Дэлхийн аварга - Багуудын танилцуулга: Алжир
World Cup Team Profile: ALGERIA
http://www.youtube.com/watch?v=Yp41xOAY0EEХамгийн сүүлд 1990 онд Африк-н цомд түрүүлснээсээ хойш Алжир-д тийм их баярлах цаг мөч байсангүй. Гэсэн хэдий ч өнгөрсөн 11 сард ДА-2014 -н эрх олж авснаар энэ багийн тоглогч, фэнүүд гээд бүгд ирэх ДА-д оролцохыг хүсэн хүлээж байна.
"Би маш маш их баяртай байна, учир нь энэ онцгой ДА байх болно. Хөлбөмбөгийн орон Бразил-д зохиогдох гэж байна. Хэдий Англи-д энэ тоглоом үүссэн ч Бразил-д л энэ тоглоом гайхамшигтай болсон. Би тэмцээнийг хүлээж тэсэхгүй нь, мөн энэ тэмцээн маш том баяр цэнгэл байх болно гэж найдаж байна." - Adlène Guedioura
Алжир бол Африкийн хамгийн том орон юм. 2.380.000 км2 газар нутгийн хэмжээг эзлэн орших энэ орон бараг Техас-г 4-р үржүүлсэнтэй тэнцэнэ. Гэхдээ газар нутгийн 80 хувь нь элсэрсэг ба нутгийн өмнөд хэсэг нь Сахар-н цөлийн нэг томхон хэсэг болдог. Тус улсад агаарын температур +50 градус-с дээшээ гарч байсан. Зүүн хойгуураа уул, хөндийгөөр хязгаарлагдана. Алжирийн гол экспортын бараа бол нефт болоод байгалийн хий юм. 20-р зуун гарах үед Европ-с ирж суурьшсан хүмүүс анх хөлбөмбөгийг энэ оронд нэвтрүүлсэн байна. Одоо хөлбөмбөг Алжир-т хамгийн алдартай спорт болсон. Улсын шигшээ багийн хоч нэр бол "Les Fennecs" буюу Цөлийн үнэгнүүд. Анхны ОУ-н хэмжээний тоглолт, тэмцээн 1963 онд болж байсан.
Алжирууд өмнөх оролцсон 3 ДА-даа бүгдэд нь бүтэлтэй байсангүй. 1982 онд ДА-н дебют-ээ гайхалтай хийсэн ба Европын багийг буюу Баруун Германыг хожиж шоконд оруулсан анхны Африк-н баг болсон билээ. Дараа нь Чили-г ялсан хэдий ч Баруун Герман Австри-г 1-0 р ялснаар хэсгээсээ мултарсан байна. 1986 онд Алжир мөн ДА-д шалгарсан, гэхдээ дараа нь Өмнөд Африк руу явах хүртэл 24 жил хүлээх хэрэгтэй болсон билээ. Өмнөд Африк-д 1 гоал хийж чадалгүй хэсгээсээ мултарлаа.
"Би шигшээ багт ирээд Өмнөд Африк-т тоглосон баг бүрэлдэхүүнтэй ажилласан. Тоглогчдын сахилга бат эвдэгдэгдсэн байлаа, би энэ байдлыг засах хэрэгтэй гэдгийг мэдэж байсан. Тэгээд эхлээд шат шатанд удаанаар өөрчлөлт хийсэн. Мэргэжлийн түвшинд улсаа төлөөлнө гэдэг бол энэ Алжир-н залуу шигшээ багт маш том амжилт гэж бодож байгаа. Энэ баг сүүлийн 2.5 жилийн хугацаанд бүрэн боссон баг, тиймээс Бразил руу явах эрх олж авсан нь том амжилт." - дасгалжуулагч Vahid Halilhodžić
Vahid Halilhodžić хэмээх Босни эр 2011 оны 6 сараас хойш Алжирийн багийг дасгалжуулж байна. Өмнө нь Коте ди"Ивиоре-г дасгалжуулж байсан тэрээр олны танил тоглогчдыг шахан, оронд нь залуу чадварлаг тоглогчдыг нээн гаргаж ирсэн.
"Дасгалжуулагч сахилга бат болоод довтолгооны тоглолтын арга барилыг бидэнд авчирсан. Гэхдээ ихэвчлэн сахилга батыг голчлон авчирсан, миний бодлоор энэ бидэнд дутагдаж байсан зүйл. Тоглогчид ердөө өөрсдийн ур чадвартаа л найдахыг эрмэлздэг болохоор тэр байх." - Sofiane Feghouli
Дасгалжуулагч багт 4-2-3-1 эсвэл 4-3-3 гэсэн хэлбэрийг суулгаж өгсөн байна. Madjid Bougherra бол хамгаалалтын хамгийн чухал тоглогч юм, Medhi Lacen-г хамгаалалтын шугамны урд хамгаалах чиглэлийн хагаст тоглоход ажлыг нь хөнгөвчилж өгдөг. Sofiane Feghouli найруулан тоглогч бол Islam Slimani бол урьдчилсан шатанд хамгийн олон гоал хийсэн Алжир довтлогч юм. ДА-д шалгарсан багуудаас хамгийн их алсын дамжуулалтаар гоалдсон баг бол Алжир-н баг билээ.
"Бидэнд ур чадвартай залуусаас бүрдсэн залуу бүрэлдэхүүн байна, тэд өмнөх ДА-д тоглосон багаас илүү сайн байгаа. Тэдэнд Европын том Ювентус зэрэг клубуудэд тоглодог, мөн Испани-д тоглодог тоглогчид бий. Ийм тоглогчдын түвшинтэй бид өмнөх багаас илүү сайн амжилт үзүүлнэ гэж итгэж байгаа." - хуучин дасгалжуулагч Rabah Saadane
Алжирууд хэсгээ амархан тэргүүлж плэй-офф-н шатанд Буркина-Фасо той таарсан. Зочлон тоглолтондоо 2 гоал оруулж тус бүрдээ тэнцээг авч байсан ч эцэстээ пеналти алдан 3-2 р хожигдсон.
"Би гоал оруулах боломжтой байсан бөгөөд эвэй гоал 2-р үржигдэж тооцогддог тул энэ маш, маш чухал цохилт байсан. Би гоал оруулчихаад маш баяртай байсан, энэ бол миний карьерийн хамгийн шилдэг мөчүүдийн нэг байсан." - Sofiane Feghouli
Хариу тоглолт 2013 оны 11 сарын 19нд боллоо. Тоглолт орой 7.30-д эхлэх байсан ч цэнгэлдэх үдийн цайнаас өмнө дүүрсэн байв.
"Бүх Алжирчууд энэ тоглолтыг хүлээж байсан учраас дарамт бол маш их байсан. Энэ тоглолтонд бэлдэх хүнд байсан, бид шургуу ажилласан. Би хэзээ ч нэг тоглолтонд зориулж тэгэж ажиллаж байгаагүй. Аваргуудын лиг-т баг удирдаж байхдаа хүртэл. Жижиг зүйлүүд дээр ч бид бэлтгэл ажлаа хийсэн. Эцэст нь бид шалгарсан, яахав бага зэрэг ядарсан байсан ч өөрсдийн хийсэн зүйлээрээ бахархаж байгаа." - дасгалжуулагч Vahid Halilhodžić
1-0 р хожсон нь эвэй гоалын дүрмээр Алжирчуудыг цаашаа шалгарахад хангалттай байлаа.
"Бид одоо хүртэл баяраа тэмдэглэж байна. /инээв/ Бид ДА-г хүлээж тэсэхгүй нь. Энэ зүгээр нэг баяр биш байсан гэдгийг бид батлан харуулж чадна. Алжирийн ард түмэн бүхэл шөнөжин баярласан, тийм их баяр цэнгэлийг тэдэнд өгөх боломжтой байсан маань үнэхээр гайхалтай байсан. Фэнүүд биднээс илүү стресс-дсэн байдалтай байсан бөгөөд сүүлийн шүгэл үлээх үед үнэхээр их тайвшрал бий болсон." - Adlène Guedioura
Маджид бол багийн ахлагч, тэрээр шигшээдээ 60 тоглолт хийгээд байгаа бөгөөд Өмнөд Африк-т болсон ДА-н бүх тоглолтонд оролцсон.
"Маджид бол багийн ахлагч, мэдээж түүний туршлага маш чухал. Бид бүгд түүнд талархадаг. Тэр бурхнаас заяасан авьяастай, мөн илэн далангүй хүн, түүний залуу тоглогчдод өгдөг зөвлөгөө үнэхээр чухал байдаг." - Sofiane Feghouli
Маджид багаа тэргүүлэн алхам бүрт өрсөлдөөнтэй тулах мэт Н хэсэгт орсон. Тэд Бельги, Орос, Солонгос зэрэг багуудтай тулна, хэрэв тэд хэсгийн шатыг давж чадвал энэ үнэхээр амжилт байх болно.
"Бельги бол өнөөгийн Европын хамгийн шилдэг 2 эсвэл 3 багийн нэг гэж бодож байна. Би Эдэн Хазард-г Лилл-д байх цагаасаа мэднэ, түүн шиг ур чадвар өндөртэй тоглогчид тэдэнд олон бий." - дасгалжуулагч Vahid Halilhodžić
"Оросуудын хувьд бол тэдэнд маш туршлагатай дасгалжуулагч бий, Фабио Капелло. Солонгосчууд 2002 онд хагас шигшээд шалгарч байсан, тиймээс тэд бол муу баг биш. Энэ нээлттэй хэрнээ хэцүү хэсэг байх болвуу, гэхдээ бид цаашаа шалгарч чадна гэж үнэхээр найдаж байгаа." - Adlène Guedioura
Алжирчууд 6 сарын 17нд Бельги-н эсрэг анхны тоглолтоо хийнэ. Дараа нь Порто Алегре-д 6 сарын 22нд Солонгос-той тоглоод 6 сарын 26нд Орос-той хэсгийн сүүлийн тоглолтоо хийнэ.
"Африкийн цомын хагас шигшээ, эсвэл шигшээд шалгарах нь дасгалжуулагчийн амбиц байсан бол одоо ДА-н хасагдах шатанд, эсвэл сүүлийн 8-д шалгарах болсон." - хуучин дасгалжуулагч Rabah Saadane
"Хэрвээ би бид өөрсдийн зорилгоо биелүүлж чадна гэж бодохгүй бол яг одоо би хөлбөмбөгийг орхих хэрэгтэй байх. Би сөрөг хандлагуудад найр тавихгүй, би бол ялагч. Бодит байдалд Алжирийн баг Бельги, Орос шиг хүчирхэг биш гэдгийг ойлгож байна. Гэхдээ би хэр олон удаа жижиг баг фаворитуудыг ялахыг харсан байна? Ийм учраас бид бэлдэх, шургуу ажиллах, үргэлжлүүлэн итгэх хэрэгтэй. Бид харамсах зүйлгүй байхын тулд хичээх ёстой. Бидэнд алдах юм байхгүй, бид магадгүй үнэхээр ямар нэг амжилт олж чадна байх." - дасгалжуулагч Vahid Halilhodžić