by avarga » Wed Sep 20, 2006 10:10 pm
Р.Кубица: Амжилтаа хvчингvй болгуулснаас барианд ороогvй нь дээр
Ж.БАТМӨНХ (2006.09.20)
Энэ сарын 10-нд болсон Италийн Гранпригийн vеэр Михаэль Шумахер улирал дуусгаад зодог тайлна хэмээн олныг шуугиулсан. Энэхvv дуулианд “Formula-1”-ийн ертєнцєд сенсаац болохуйц хэдэн зvйл дарагдан єнгєрсний нэг нь Жак Вильневийг орлож, “BMW-Заубер”-ийн жолоог мушгих болсон Роберт Кубица гуравдугаар байр эзлэн, шагналын тавцанд гарсан явдал билээ.
Тэрбээр Унгарын Гранпригээс их хурдад тоосоо єргєх болсон ба дєнгєж гурав дахь гараандаа анхны оноогоо, тэр тусмаа тєрийн далбаагаа мандуулан авсан юм. Єдгєє дєнгєж 21 настай тvvнийг авто уралдааны мэргэжилтнvvд ирээдvйд их юм дуулгана хэмээн итгэл хvлээлгэж байна.
Кубица мэдээ орохдоо л жолоо мушгих хэнээтэй болсон тєрєлхийн авто уралдаанч гэнэ.
Дєрєвтэйдээ анх удаа моторт хvлэг унасан тэрбээр арван нас хvрээд Польшийн картингийн АШТ-д оролцох болжээ. Улмаар эхний гурван жилдээ зургаан тэмцээнд тvрvvлж, сонголт нь буруу биш гэдгийг баталсан. “Дошин” дээрээ босоо байж уйдсан Роберт хилийн чанадад хvчээ сорихыг хvсч, Италийг зорьжээ. 1998 онд Италийн Картингийн аварга шалгаруулах нээлттэй тэмцээнд тvрvvлсэн нь тус тэмцээний тvvхэнд анхны итали бус аварга болж байлаа. Дараа жил нь уг цолоо хамгаалж, мєн Герман, Монакогийн Картингийн тэмцээнд тvрvvлэн, vеийнхнээсээ ур чадвараар тасарчээ. 2000 онд Европын болоод дэлхийн аварга шалгаруулах тэмцээнд дєрєвлєснєєр Роберт картингийн замналаа тєгсгєсєн байна.
Мєн ондоо тэрбээр “Formula Renault”-д мэргэжлийн гэрээ байгуулан, “RDD” багийн гишvvн болжээ. Эхлээд туршин нисэгч байгаад 2002 оноос vндсэн уралдаанчийн байрыг эзэлж, эхний улиралдаа дєрвєн гараанд тvрvvлэн, нийлбэр дvнгээр долдугаарт шалгарав. Дараагийн жил Роберт “Formula-3”-т шилжлээ. Харамсалтай нь сорилтын vеэр осолд орж, зvvн гараа хугалан олон гараа єнжсєн.
Гэвч тэрбээр бvрэн илааршихаа хvлээлгvй хугарсан гараа бэхлэн уралдаж, Нарисринг авто тойруулгад анхны ялалтаа байгуулж байлаа. Тийнхvv Кубица “Formula-3”-т эхний улиралд 12 дугаарт орсон бол дараа жил нь долдугаар байрт шалгарав. 2005 онд “Epsilon Euskadi” багийн бvрэлдэхvvнд багтан, “Renault”-ийн цувралын аварга болсноор авто уралдааны хамгийн нэр хvндтэй нь болох “Formula-1”-ийн хvлгийг жолоодох болжээ. Тэрбээр єнгєрсєн жил “Рено” “Минарди”-гийн туршин нисэгчийн vvрэг гvйцэтгэсэн бол энэ улирлаас “Заубер-BMW”-ийн гуравдугаар жолооч болсон.
Кубицагийн бэлтгэлийн vеэр гаргасан амжилтаас багийн менежер Марио Тьессен тvvнийг 2007 оноос vндсэн нисэгч болгохоо мэдэгдсэн. Харин ирэх улирлыг хvлээлгvй уралдааны замд гарах завшаан тvvнд тохиосон юм. Германы гранпригийн vеэр осолд орсон Жак Вильнев толгойд нь євдєлт мэдрэгдэж, уралдах чадваргvй байна хэмээснээр Кубица тvvнийг орлох болов.
Ийнхvv Унгарын гранприд, тэрбээр анхны уралдаандаа оролцож, поул-позишнд арвин туршлагатай багийн анд Ник Хайдфельдийг ардаа орхин есдvгээрт орсон. Улмаар жинхэнэ уралдаанд долдугаарт орж, анхны гараандаа л эхний оноогоо авсан боловч машин нь зєвшєєрєгдсєн хэмжээнээс хєнгєн байсан тул амжилтыг нь хvчингvй болгожээ. Yvний ачаар М.Шумахер онооны бvст дєнгєж багтсан билэээ.
Энэ гарааны дараа Вильнев уралдахад бэлэн болсноо мэдэгдсэн ч багийн удирдлагууд vлдсэн Гранприд шинэ нисэгчээ хурдлуулахаар шийдсэн.
Хоёр дахь Гранпридээ Кубица 12 дугаарт шалгарсан ба техникчид замдаа тохироогvй резин сонгосон тул амжилт боломжийн хэмээн мэргэжилтнvvд дvгнэв. Харин гурав дахь уралдаандаа тэрбээр албан ёсоор анхны оноогоо аваад зогсохгvй шагналын тавцанд гараад vзсэн. Энэхvv уралдааны дараа тvvнтэй хийсэн ярилцлагыг товчлон хvргэе.
-Та дєнгєж гурав дахь гараандаа шагналын тавцанд гарлаа. Энэ амжилт таны мєрєєдлийн нэг байсан уу?
-Би мєрєєдєгч биш ээ. Энэ бол миний бэлтгэл сургуулилтын ач. Гарааг муугvй хийж, уралдааны турш сайн давхисан учир энэ амжилт байх ёстой зvйл.
-Михаэль Шумахер зодог тайлахаа мэдэгдэж, Кими Райкконен тvvнийг орлох нь тодорхой болсон тун онцгой гараа боллоо. Тэдэнтэй зэрэгцээд зогсоход ямар сэтгэгдэл тєрж байна?
-Юуны тvрvvнд баг хамт олныхоо ачаар vзvvлсэн амжилтдаа туйлын сэтгэл хангалуун буйгаа илэрхийлэх нь зvйтэй. Анх удаа шагналын тавцанд гарахдаа тэдэнтэй зэрэгцэн зогсоход vнэхээр онцгой мэдрэмж тєрж байсан шvv.
-Таныг туршин нисэгч байхад хэвлэлийнхэн “Заубер” багийг сорилтод дандаа хєнгєн машин гаргадаг, тиймээс ч амжилт нь єндєр байна хэмээж байсан. Харин Монцад vзvvлсэн амжилт тань vvнд сайхан хариулт болох байх…?
-Сорилтод машин жолоодсон нисэгч бусдаас илvv унаагаа мэдэрдэг. Юу нь болохгvй байна, ямар дутагдал гарав гээд бvх л бэрхшээлийг урьдчилан илрvvлж, уралдааны замд гарахад бэлэн болгодог. Энэхvv vvргийг гvйцэтгэж байсан нь миний давуу тал. Мєн сорилтод vзvvлсэн амжилтаараа багийн vндсэн нисэгч болох шаардлагыг биелvvлсэн.
-Таны амжилт “Заубер”-ийг “Тоёота”-гийн ємнє гишгvvллээ. Ингэснээр багт олон талын ач холбогдолтой...
-Багийн оноо ахиж, байр дээшилсэнд би мэдээж баяртай байна. Инженер, техникийн ажилчид ч ялгаагvй. Цаашдаа олон удаа тэдэнтэй уралдааны дараа баяртай уулзана гэдэгтээ итгэлтэй байгаа.
-Эхний гараандаа та долдугаар байрт шалгарсан ч амжилтыг тань хvчингvй болгосон. Тэр Гранприд та vнэхээр гайхалтай байсан шvv?
-Манай баг дугуйны сонголтыг буруу хийснээс машины жин зєвшєєрєгдсєн хэмжээнд хvрээгvй. Гэхдээ энэ бидэнд том сургамж болсон. Ер нь иймэрхvv алдаанаас болж амжилтаа хvчингvй болгосноос барианд орохгvй байсан нь дээр юм билээ.
-Монцад та Фернандо Апонсотой зэрэгцэн пит-лайнаас гарч ирсэн нь гранпригийн сонирхолтой хэсгийн нэг байсан…?
-Би гуравдугаар байраа хамгаалахыг хичээсэн ч Фернандо надаас єрсєж хурд хязгаарлагчаа тvгжсэнээр миний ємнє орсон. Харамсалтай нь тэр барианд орж чадаагvй.
-Монцад vзvvлсэн амжилт тань ирэх улиралд багийн vндсэн нисэгчийн байраа баталгаажуулсан гэсэн…
-/Инээв/ Та надаас илvvг мэдэж байгаа юм байна шvv дээ.