by Nomer 10 » Tue Feb 21, 2006 5:53 am
УЕФА 3 тоглолтон дээр анх удаа шүүгчийн холбооны хэрэгслийг ашиглах болжээ. Хажуугийн шүүгч болон талбайн гаднах талтай холбоо барих микрофон чихэвч бүхий энэ систем нь далд байрлах тул телевизын нэвтрүүлгэнд гарахгүй, нөлөө үзүүлэхгүй аж. Ингээд багуудын тухай тоймлосноо сонсгоё.
Байерн - Милан
Аль аль талаас гэмтлийн асуудал байгаа, Кан өнөөдөр бэлтгэлдээ гарсан ч удалгүй өвчиндөө шаналж орхисон байна. Гэхдээ эцсийн шийд тоглолтын өмнөхөн гарах аж. Магат Кан бидэнд зайлшгүй хэрэгтэй гэжээ. Миланаас Кафу Мальдини нар тоглохгүй.Штам бас тодорхойгүй, Каладзегийн сэтгэл санаа тогтворгүй байгаа. Кака Ливерпүүлийн хожигдол биднийг энэ жил улам хурцалж байгаа, бүгд Парист тэрнийг мартах болно гэсэн бол Анселотти Стамбулыг өчигдрийн цас гэж хэлсэн байна. Гэхдээ өнгөрсөн үе ч биш өнөө үе тэднийг бас сайн тоглохыг шаардаж байгаа юм. Учир нь тэд лигидээ Ювегээс 10 оноо дутуу, цомоосоо мултарчихсан байгаа тул эцсийн цом нь гэж хэлж болохоор аваргуудын лигийнхэд хамаг хүчээ шавхах нь тодорхой. Энэ дуэл 51:49. Алдарт Турк-Швейцарийн тоглолтыг шүүсэн бельги шүүгч энд ажиллах ажээ.Кака Шева 2 АЛ-ийн 12 гоолын 10-ыг нь оруулсан тул тэр 2 Байерны ар талыг үнэн айлгаж байгаа. Милан бол Байерны эрлэг, 3 удаа Европын тавцанд тулсан ч тэр бүрд мулталж байсан. Кан орохгүй бол ар талдаа 1:1 гэсэн үг. Гэхдээ Байерн 12 дэх хүн буюу Аллианцтайгаа тоглохыг санах хэрэгтэй. Тэд эндээ 15 тоглож 15 хожоод байгаа, бүр Ювег хүртэл,гоолын харьцаа 34:7 гэхээр нэгийг хэлнэ.
Реал - Арсенал
Раул эргэж ирсэн. Бэкхем би энэ багтай Англид тоглохыг 3 жил хүлээлээ, одоо цаг нь ирж. Гэхдээ эхлээд эндээ хожчихоод тийш зүглэнэ гэж пээдийж. Гэхдээ тэр Анриг онцгой анхааруулж. Түүнийг хараанаасаа нэг хором алдахад л тэр хорвоог эргүүлнэ, би харин шар хуудсанд анхааралтай хандах болно гэжээ. Реалын гол түлхүүр нь Цициньо - Робиньо болоод байгаа. Арсенал харин тун хүнд байдлаар тулаанд орно. 9 хүн гэмтэлтэйн дээр 2 шинэков нь АЛ-д орох эрхгүй. Арсеналд нэг ашигтай тал нь өнөөдөр Роналдо багаа орхих тухай яриа гаргаж том тэмцээний өмнө багийн уур амьсгалыг бага зэрэг эргүүлэдээхсэн. Гэхдээ л тэдний ялах магадлал 70%(Эдгээр тоог эхний энэ тоглолтуудын хувьд хэлж байгаа), тэд сүүлийн долоон гэрийн тоглолтоо 23:3 харьцаагаар хожсон. Багийн удирдлагууд цуг хооллох үеэр Реал өрсөлдөгчийнхөө гурван ч тоглогчийг сонирхож байгаагаа дахиад цухуйлгаж. А.Коул тийш явах нь бараг л тодорхой болоод байгаа бол Реалын фэн Райес, Барса Челсигийн үхээд байгаа Анри нар яаж ч магадгүй.
Эйндховен - Лион
Лигээ тэргүүлж байгаа багууд гэхээр чансаа нь мэдэгдэнэ. Тэгээд ч аль аль нь ямархуу багууд гэдгээ нотолсон, Лион Реалыг уншсан бол Эйндховен Миланыг ноднин хагас шигшээгээс мултлангаа алдсан билээ.Энэ улиралд ч гэсэн 2 удаа тун зовоосон. Франц хүүхнүүдийн жинхэнэ эр хүн хэмээн үхдэг Купет Гомешоос хариугаа чанга авахаар бодол өвөрлөсөн нь мэдээж. Хожих магадлал 51 - 49.
Бенфика - Ливерпүүл
Шийдвэрлэх тоглолтод агуу МанЮ-г хожсон португалчууд улсын аваргын цол дээрээ нэмээд бяр нэмсэн байгаа. Нэг нутгийн нэг өнгийн хувцастай багийг нь бас хожно гээд л дайрна.Гэвч алдарт түүхийг бий болгосон Ливерпүүл Манчестерээс сургамж авч хянуур тоглоно оо. 40 - 60.
Глазго - Вилларреал
Дасгалжуулагч МкЛэйш нь улирлын эцэст шотландын аваргуудыг орхих ч өмнө нь сенсаац тарихыг хичээх болно. Испаничуудын хувьд Аргентинаас ирээд буй Рикелме хэрхэх нь тодорхой бус, Сорин ч мөн адил. Эспаньолыг уншихад гоолддог Форлан аажмаар тоглолтдоо орж байгаа. 45 - 55.
Аякс - Интер
Залуусын баг лигидээ догонцсоор. Эсрэг баг нь хүчирхэг лигидээ хүчтэй байгаа. 40 - 60.
Бремен - Ювентус
Клозе Миний мөрний өвчин зүгээр болсон гэсэн ч Шааф тодорхой хариу өгөөгүй хэвээр. Гэсэн хэдий ч тэр ханиад нь эдгэрээд байгаа Клашничтай нийлээд супер 2К хослолоо бүрдүүлэх болов уу.Валдез гэж АЛ-ийн одтой довтлогч цаана нь бас бий. Дортмундыг талбайд нь хожиж сэтгэл санааны дэмжлэгтэй тэд Ювед Удинезегийн өшөөг авах боломжийг тийм ч амар өгөхгүй гэж үзнэ.Тойргийн тоглолтод Итали-Германы дуэл болж байсан. Бремен Барсагийн ачаар Удинезег гэр лүү нь явуулсан бол Милан хамаг тамираа шавхан байж Шалькег гэрт нь үлдээж байсан. Бавари Юве яг адилхан оноотой тоглож Юве нэгээр гарч байсан ч хоорондын тоглолтын хувьд Бавари хавьгүй илүү байсан юм. Энэ удаа энэ дуэл дахин үргэлжлэх нээ. 40 - 60.
Челси - Барса
Энд олон юм ярих илүүц биз. Ронни яг энд хөлбөмбөг гэж ямар гайхамшигтай эд болохыг үзүүлж байсан билээ. Дахин биднийхээ мэлмийг энэ 2 супер баг маань мялаана гэдэг нь баталгаатай. Чи хэрэв үнэхээр футбол сонирхдог бол нэг шөнийн нойроо хас, тэгэхгүй бол алдас болно. Дараа харамсаад барахгүй, хөлбөмбөгийн саак тоглолтыг шууд зэрэг мэдрэх гэдэг үгээр илэрхийлэх аргагүй байдаг. Тэр Сээвэж хүүгийн араажавын газар луу мөлхөөд ч болсон явах хэрэгтэй, бүр заавал шүү.
Hup Holland Hup