Баг маань Дорнодын багуудын эсрэг 2-0, Ник Яанг 1-0 гэсэн төгс амжилт үзүүлээд байна
. Маргааш Өрнөдийн багаас анхны хожлоо авах болтугай.
Коби: "Жереми Лин 3 дугаар үед бусад залуус шигээ маааааш сайн тоглолоо. Янг гоц сайн байсан. Энэ нь түүний хөдөлмөрч чанарын нотолгоо. Гэмтэлтэй байх үедээ биеийн хүчээ хэвээр хадгална гэдэг хэцүү. Гэхдээ тэр өнөөдөр ядарсан шинжгүй байлаа". Довтолгоонд сайн байж чадахгүй бол зөвхөн хамгаалалтаар хожино гэж байхгүй. Яангийн эргэн ирэлт багт маш чухал байлаа.
Хилл, Бүүзер, Лин гээд 3 залуу дабль-дабль
Мэжик Жонсон: "Лэйкерс багийн бүх тоглогчдын хүчин чармайлтаар Атлантаг хожлоо. Эргээд тавтай морил Хауксийг хожиход Кобид тусласан Ник Янг" гэж жиргэж. Коби багийн бусад тоглогчиддоо итгэдэггүй гэсэн хүмүүсийн буруу гэдгийг өнөөдөр тодорхой харуулсан. Ялангуяа Яангд тэр итгэдэг гэдгийг сүүлд аркны ард зогсож байсан түүнд бөмбөгөө өгснөөс харж болно.
Ник Яанг: "Коби надад бөмбөг дамжуулахад би дуртай. Коби тоглолтын төгсгөлд Коби шиг байлаа."
Байрон Скотт хожлын түлхүүр нь юу байсан талаар: "Бид маш эрч хүчтэй тоглолоо. Хамгаалалт бүхэлдээ сүүлийн 3-4 тоглолтоос илүү байлаа. Коби чухал дамжуулалтыг өгч байсан. Бид довтлох сул зай их гаргаж чадсан." Хамгаалалт яагаад сайн болсон талаар: "Би тоглогчиддоо хэрвээ сайн тоглохгүй бол сэлгээнд суулгана гэж хэлсэн юм"
Лин: "2 өдөр бүхий л зүйлсийн талаар бодож, яаж багийн тоглолт гаргах талаар ярилцсан. Дасгалжуулагч бидэнд хамгаалалтын талаар улиг болтол ярьсан."
Эд Дэвис: "Бүгд л хувь нэмрээ оруулцгаалаа. Шударгаар хэлэхэд би багийнхаа хамгийн загварлаг хувцасладаг нь. Бүгд л Яангийг гэж хэлэх байх. Яахав тэр ч дажгүй хувцасладаг л даа."
Атлантагийн цагариг орчмын хамгаалалт 2 дугаар хагаст муу байлаа. Хилл гэхэд л бүх 18 оноогоо сүүлийн хагаст авсан. Тэрээр 5 довтолгооны самбараас бөмбөг авсан бөгөөд лигийг тэргүүлсэн хэвээр байна.
Зарим нэг баримтыг тоогоор илэрхийлвэл:
5 - Тоглолт дуусахад 5 минут дутуу байхад Лин анх удаа шидэлтээ алдсан. Түүний хувьд 6-7 довтлон 15 оноо авч, нэмээд 10 дамжуулалт өгснөөр Лэйкерсийн өмсгөлтэй анх удаа дабль-дабль хийлээ.
10 - Бүүзерийн самбараас бөмбөг авсан тоо. Нэмээд 20 оноо авснаар мөн л Лэйкерсийн төлөөх анхны дабль-дабль. Энэ улиралд Хилл л ганцхан дабль-дабль хийгээд байсан.
17 - Ник Яангийн оноо. 10 тоглолт өнжсөний эцэст эргэн ирсэн өдрөө сэлгээнээс энэ улиралд хамгийн их оноо авсан тоглогч боллоо. Коби: "Тэр бол гайхалтай тоглогч. Тэр шидэж чадна, пост тоглолт гаргаж чадна, гурваас унагааж чадна. Түүний хувьд хамгаалалтандаа анхаарах хэрэгтэй"
67 - Эхний хагаст авсан багийн оноо. Өмнөх улиралд хамгийн ихдээ 56 оноо авч байсан. Багаараа 27-44 /61,4%/ довтолсноор эхний хагасыг 15 онооны давамгайлалтай дуусгасан.
32,001 - Мэдээж Кобигийн карьерийнхаа туршид авсан оноо. Коби тоглолтд дуусахад 70 секунд дутуу байхад 20 фүүт зайнаас алдаатай довтолсноор 32 мянга дахь оноогоо бүртгүүлсэн. Нэмэлт шидэлтээ оруулснаар тоглолтын хамгийн их 28 оноог авсан. Скотт: "Тэр бидэнд маш чухал шидэлтүүдийг авчирснаас гадна, хэрэгтэй дамжуулалтуудыг өгч байлаа"