by Munkhbold » Fri Jul 12, 2013 10:25 am
Нэг ийм нийтлэл гэх үү post гэх үү юм байна.
Английн Прэмьер Лиг ирэх улирлаас эхэлж Боловсрол Суваг ТВ-ээр гарахгүй!!!
Гурван жилийн өмнө C1 телевизийн ESPN-тэй хийсэн гэрээ дуусч, шинэ тэндэр зарлагдаж, Боловсрол Суваг ТВ илүү мөнгийг санал болгосноор Английн Прэмьер Лигийг гаргах эрхтэй болж байсан билээ. Тухайн үед тэндэрт орох материалыг бүрдүүлж, улмаар Сингапур улсыг зорин ESPN-тэй гэрээ хийж байсан хүний хувьд хэлэхэд энэ бол байдаг л нэг ТВ-үүдийн хоорондох контентийн төлөөхи өрсөлдөөн.
Харин энэ жил Боловсрол Суваг ТВ-ийн гэрээ дуусгавар болж, шинэ тэндэр зарлагдсан юм. ESPN мөн EPL-ийн эрхээ IMG компанид алдаж, IMG-гээс шинэхэн тэндэрийг зарласан гэсэн. Тус тэндэрт Монголын хэд хэдэн хэвлэл мэдээллийн байгууллагууд өрсөлдөж, хамгийн их мөнгийг Сансар КаТВ санал болгож, тэндэрт ялсан юм шиг байгаа юм. Би одоо бол Edu TV, Sport Box Сувагтаа ажиллахаа больсон гэдгийг та нар мэдэж байгаа байх. Тиймээс энэ жилийн тэндэр яаж болсон талаар мэдээлэл алга байна даа.
Ямартай ч Сансар КаТВ өөрсдийн сүлжээндээ EPL-д зориулсан тусгай сувгийг нээх л байх. Univision, Skymedia-тай өрсөлдөх гэж EPL-ийн эрхийг авсан нь мэдээж. Өөрсдийн сувгаас гадна өөр ямар хэлбэрээр EPL-ийг Монголын үзэгчдэд хүргэхийг би мэдэхгүй юм. Удахгүй өөрсдөө зарлах байлгүй дээ. Тайлбарлагчаар хэн ажиллахыг нь мэдэхгүй юм. Өөрсдөө сайн хүмүүсийг олж ажлуулах байлгүй дээ.
Тиймээс медиа байгууллагуудын хоорондох өрсөлдөөнийг та бүхэн зөвөөр ойлгож, хүлээцтэй байх л хэрэгтэй байх. Өмнөх жилүүдийнхээс бүр ч илүү олон тоглолтыг гаргаж магадгүй талаар би сонссон. Хамгийн гол нь КаТВ-ийн үйлчилгээгээ солих уу үгүй юу гэдэгт л асуудал үүсэх байх.
Бөмбөг бөөрөнхий