by Nomer 10 » Thu Jun 07, 2018 10:23 pm
Пеле улсынхаа шигшээд итгэхгүй байна. Хувь ур чадвар сайн ч багаар алт авдаг. Манайх бүтэн баг болоогүй байна гэж. Нөхөр Нэймарт харин их найдаж байгаа аж. Тэр одоо илүү туршлагатай болсон, гэхдээ ганцаараа цом авчирдаггүй гэж.
********************************
Мессигээр тэргүүлсэн аргентинчууд Барселонд бороон дунд бэлтгэл хийжээ. Уг нь тэд нөгөөдөр Израилтай нөхөрсөг тоглолт хийх байсан ч цуцлагдсан. Дэлхийн аварга хүртэл тэд тест тоглолт хийх нь тодорхой бус байна.
********************************
Германы томчууд улсынхаа шигшээг цом авна гэдэгт итгэлтэй байгаа гэнэ. Тухайлбал Лаам "Өнгөрсөн хугацаанд цом авах ямар хэцүүг бид харсан, гэхдээ бид үргэлж бэлэн байдаг" гэсэн бол Маттэус "Европын аваргын дараа бид эргээд өлсөж эхэлсэн. Куалигийн бүх 10 тоглолтыг хожсон нь үүнийг гэрчилнэ, өмнө нь ямар ч баг 10 дараалан хожиж байгаагүй" гэжээ. Гэхдээ тэр Бразил, Франц, Испани 3-ыг гол өрсөлдөгч гэсэн байна. Хэрэв Месси топ формтой байж чадвал Аргентин бас зовооно л гэж. 1954 оны дэлхийн аваргуудаас амьд сэрүүн байгаа цор ганц тоглогч Хорст Экель "Тийм ээ, манай баг цом авах чадамжтай" гэж ярьжээ.
********************************
Конгогийн эсрэг 95 дахь минутад гоолдож багаа 28 жилийн дараа дэлхийн тавцанд хөтөлсөн Салатай улсынх нь ерөнхийлөгч биечлэн утсаар ярьжээ. "Тэр зөвхөн хөлбөмбөгч биш, тэр бол үндэсний баатар. Шашин, хүйс, нас хамаарахгүй бүгдийг тэр нэгтгэж байгаа. Галзуурч байгаа инфляцийг зогсооход хүмүүсийн дэмжлэг хэрэгтэй, тэр дэмжлэгийг Сала бидэнд авчирч чадна" гэж тэр хэлж.
********************************
Салагийн аавын гадна тусламж гуйсан ядуу хүмүүс хэдэн цагаар оочерлодог болжээ. Хотын захирагч нь аргаа бараад эргэн тойрон 120 км-т амьдардаг хүмүүст л оочерлох зөвшөөрөл өгөх тухай журам гаргажээ. Сала төдийгөөс өдий хүртэл хар мянган хүнд хоол хүнс тарааж буян үйлдэж байгаа мундаг залуу юм бна.
********************************
Тоттэнхамын Дэнни Роуз эцэг эхээ Орос руу явахгүй байхыг хүсчээ. Учир нь тэр арьс өнгөний үзлийг тэвчдэггүй гэнэ. Өнгөрсөн жил ээжийг нь төрөлх тосгонд нь арьсны үзлээр доромжилсноос болж тэр депресст орж эмчилгээнд явж байжээ. Ганц арьсны үзэл ч биш, өвдөгнийх нь удаан хугацааны гэмтэл мөн авга ах нь амиа хорлох гэсэн зэргээс болж тэр хүнд жилийг ардаа үдсэн тухайгаа ярьжээ.
********************************
Олон улсын хүний эрхийн байгууллагынхан Египетийн шигшээг Чечений нийслэлд байрлуулсныг буруушааж байна. Тэнд үргэлж хүний эрх зөрчигддөг гэжээ. Тэрнээс гадна тэд стратегийн хувьд ч зохимжгүй газар байрлах нээ. Тэдэн шиг Москва хүртэл 12 мянган км аялах баг нэг ч үгүй.
********************************
Германы коуч Лөв тоглогчдоо Сочид жаргалтай байх болно гэжээ. Тэнд далайн эрэг, нар, ус гээд маш гоё гэсэн бол мөн Сочид байрлах Бразилын коуч Титэ харин сэтгэл ханамжгүй байна. Учир нь тэр хэсгийн тоглолтууд хийхийн тулд 9000 км аялахыг үзэн ядаж байгаа гэнэ.
********************************
Курани Орос орныг солиотой гоё орон гэжээ. Динамод 5 жил тоглохдоо 50 гоол хийсэн тэрээр "Водка, баавгай, онигоо, өвөл гээд Орос улс өөрийн гэсэн онцлогтой, тэр ч байтугай би анх ирээд багаараа гар буугаар дасгал хийж байхдаа буудлагын багт ирчвүү гэж гэрийнхэнтэйгээ хошигнож байсан" гэж. Тэр мөн хөлбөмбөгийн үзэгчид дэлхийн аваргын нэмэгдэх байх, хоккей энэ улсад тэргүүлэх спорт байдаг гэжээ.
********************************
1,4 тэрбум долларыг оросууд аюулгүй ажиллагаанд зарцуулж байгаа нь урьд хожид байгаагүй их мөнгө гэнэ. Армиас хүртэл татан оролцуулж нийтдээ хэдэн зуун мянган хамгаалалтынхан тоглолт болох 11 стадион, 32 багийн байрлах буудлыг хамгаалах гэнэ.
********************************
Дэлхийн аваргын дараа Зидан шигшээгээ дасгалжуулна гэсэн шуум бий. Тэгвэл Катарт байрладаг Египетийн тэрбумтан Савирис түүнийг Катарын шигшээг дасгалжуулбал 4 жилийн хугацаанд 200 сая доллар өгөх болно гэж жиргэсэн байна.
********************************
Эцэст нь нэг сонирхолтой юм хэлэхэд Германы тоглогчдын байрлах буудлын нэр нь юу гээч. DEJAVU.
Hup Holland Hup