Хорин нас хүрэх юмсан буюу Эргэн дурсахуй

[Чуугий]

Өө маргааш явах байсымуу?
За бид чинь хүлээж байя.
Горимын санал байна. Нөгөө гаруудын зүүгээд байсан аватор хаана байна? Тэрийг бүгд зүүцгээе. Тэгээд чи харах болгондоо ийм олон сайхан залуус намайг хүлээж байгаа гэж бодоорой. Үнэндээ л бид нар, ялангуяа би бол гоё залуу. Нөгөө зураг хаана байана?

[Бээгий]

-----------------------------------------------Хорин нас хүрэх юмсан-----------------------------------------------
Нэг л мэдэхэд хорин насыг хүрэх гэж явна. Алдаатай оноотой, баяртай гунигтай энэ хорин жилд хүн болж төрснийх сайн сайхан бүхнийг л үзлээ. Аз болж аймшигтай муу муухайгаас хол явжээ. Гэвч бурхан надад энэ сайхан амьдралыг өгсөн мөртлөө ийм хурдан эргүүлээд авах гээд байгааг ойлгохгүй юм. Би төрөлхийн зүрхний гажигтай төрсөн юм. Тийм болоод ч тэрүү хүн болгон л эвий минь гэж харьцана. Би ч бардам зантай юм болохоор хүнд муугаа үзүүлэхгүй санаатай өвдсөн ч өвдөөгүй юм шиг толгой дээгүүр алхдаг нэгэн.
Уул нь надад асар том зорилго бий. Тэр зорилгодоо хүрэхийн тулд биеэ хайрлахгүй зүтгэж байгаа ч атгахан зүрх минь дийлэхгүй юм шиг байна. Хайртай аав ээжийгээ баярлуулж өдий зэрэгт хүргэсэн ачийг нь хариулахыг хүсэж байгаа ч яалтай билээ. Үлдсэн амьдралынхаа багахан хугацааг сайн сайхан юманд зориулах юмсан. Хөөрхөн дүү нартаа үлгэр дууриалалтай эгч нь байх юмсан. Заримдаа гол тасартал өвдөхөд нь үхэх юмсан гэж бодовч өвдөөгүй үед нь ингээд л амьд явах юмсан гэж бодох юм. Ноднин жил төрсөн өдрөөрөө ээжийнхээ засч өгсөн ширээний ард сууж байхдаа дараа жил төрсөн өдрөө тэмдэглэж чадах болов уу гэж бодоод өөрийн эрхгүй нулимс гарсан ч буцаагаад л залгичихсан Нөгөө л муу бардам зан. Аав минь уг архи уудаггүй л дээ. Гэхдээ одоо хааяахан халамцуу орж ирээд намайг энгэртээ наан удаан гэгч тэврээд мэгшдэг. Ийм л үед амьдрах юмсан гэсэн хүсэл ямар ихээр төрдөг гээч. Гэхдээ би шантрахгүй ээ. Би хорин насныхаа тэр байтугай 50, 60 бүүр 100 насныхаа ойг тэмдэглэх болно. Миний бас нэг инээдтэй гэмээр мөрөөдөл бол ихэр хүүхэдтэй болох. Тэгээд зөндөө олон хүүхэдтэй болчихоод тэд нартайгаа тоглоод л..... Даанч намайг хүүхэд гаргаж болохгүй гэсэн. Дийлэхгүй гэнээ.
Нээрээ ийм форум байдгийг зааж өгсөн танил ахдаа үнэхээр их баярладаг. Багахан хугацааг та нартай хамт өнгөрүүлсэн ч амьдралын минь гэрэл гэгээтэй олон өдрүүд энд бий. Та нараараа хайрлуулж шоолуулж өрөвдүүлж муулуулж байсан мөч бүхэн үнэтэй дурсамж. Та нартаа үнэхээр их баярладаг. 10 ахдаа, Мэндээ, Бибби, Хотспур, КР7, Ууганаа, Цоомоо, Тунгаа, Дэк, Аварга гээд л намайг дэмждэг ойлгодог байсан бүх найзууддаа баярлалаа. Бас надад үл итгэсэн хүмүүст ч баярлалаа. Арга ч үгүй биздээ. Хэн нь ч мэдэгдэхгүй амьтан орж ирээд л худлаа чатлаад байхаар. Уул нь би та нартай уулзахыг ямар их хүсдэг гээч. Даана ч толинд өөрийгөө харах бүрт өдрөөс өдөрт дордож байгаа царай, улам л шингэрээд байгаа үс, хамаг биеийг минь ховх сорж байгаа өвчнөөсөө болоод сэтгэл төвдөхгүй юм. Тэгэд л та нарт арай аятайхан байсан үеийнхээ зургийг үзүүлдэг байлаа. Одоо намайг харвал энэ Уянга мөн үү гэж танихгүй л байх. Ямар сайндаа л Ууганаа намайг 30 гарсан хоолойтой гэж байхав. Цээгийгээс би өөрөөсөө өөр хэнд ч миний энэ аймшигтай болсон царайг хэлэхгүй гэсэн амлалтыг нь авч байж уулзсан. Цээгийд маш их баярлаж байгаа шүү. Найз нь тун удахгүй нэг томхон хагалгаанд орох гэж байгаа. Дийлэх үгүйгээ мэдэхгүй л байна. Уг нь зүрхээ солиулчихвал........... Төмөр зүрхтэй удаан явлаа даа. Тогшиход бараг дон дон гэмээр ккк. Даанч хэн нэгний зүрхийг өөртөө тээмээргүй байдаг. За тэгээд сүүлд нь та нартаа бүгдэд нь хайртай шүү. Найз нь эрүүл болоод эргээд ирнээ.

Хурдан идгээрэй ок

[sOx]

хүн гэдэг чинь сэтгэлийн амьтан, сэтгэл санаа өөдрөг байвал тэгээл болоо, хурдан эдгээд ирээрэй.

[MyLoVe]

Уншихыг хориглон гэхээр ороод ирчлээ

Уянгааг эмэгтэй гэж бодож байгаагүй гэхдээ бас ийм зовлонг тээж явдаг ч гэж бодож байсангүй

Гэхдээ чи азтай охин юм манай спортын форумын ийм олон найз нөхөд ах нар чинь чамайг дэмжиж байгаа. Тийм болхоор заавал эдгэрээд эргэж ирнэ гэж амлаарай


Амжилт хүсий миний дүү

[ТӨӨГӨӨ]

Эдгээд ирээрэй.

[Realist]

Түргэн эдгээд ирнээ Уянгаа минь.Нартай сайхан өдөр чамтай уулзнаа.

[suldees]

за дүүгийн хагалгаа амжилттай л болсон байгаасай . мэдээлэл байгаа хүмүүс нь тавиараа утсаар ярьсан энэ тэр бол .

[Hotspur]

Маргааш, нэгдэх өдөр хагалгаанд орно...
Бүгдээрээ залбираад бодоод байж байя
Бодол гэдэг хүчтэй шүү дээ:

[meesh]

Залбирж байна...

[Чуугий]

Бүгдээрээ энийг аватартаа зүүж сэтгэл дотроо залбирч хүлээе дээ.................

[Eternity]

Gute Besserung!!!

[Тунгаа]

[Жавхлан]

Сая л уншлаа.
Эмчилгээ дүн дүнтэй болж чи удахгүй эрүүл болноо. Хамгийн гол нь итгэл найдвараа л алдахгүй байх хэрэгтэй.

[Цоомоо]

За маргаашд амжилт хүсье аа.

[Тэрри_10]

Бүгд чиний төлөө бурханд

[haka]

[Yes Man]

хаха...

[Чуугий]

[[AMATORY]]

[El Payaso]

[Эрдэ]

Өнөөдөр хагалгаанд орж байгаа юм уу. Хаана орж байгаан

[kayo]

Өө ийм юм болчихсон байсан юм уу, ёстой мэдээгүй явж, хагалгаа амжилттай болно гэдэгт итгэж байна шүү, гол нь сэтгэлээрээ байхад бүх юм эдгэнэ дээ. Өөдрөг байгаарай.

[BuG]

Сэтгэлийн тэнхээ байхад даваад гарнаа... Сэтгэлийн тэнхээг чинь тэтгэх дэмжих энэ олон улсуудын сэтгэлийн дэм байхад бүр ч хүчтэй байж даваад гарнаа... Хурдан эдгээрэй... Уртаас урт амьдрал урд чинь байгаа

[Gankhuu]

Хагалгаа амжилттай болсон гэнэ ээ манайхаан

Яг одоогоор энэнээс өөр мэдээлэл алга.

Өөр юм мэдвэл энд бичээд байя

[rednasca]