2015/16 оны Барселона - 2010/11 оны БарселонаБарселона Валенси-тай тэнцсэнээр клубынхээ түүхэндэх хожигдолгүй цувралын рекордоо 29 болгож шинэчиллээ. Тэдний өмнө 2010/11 оны Пэп Гвардиола-н Барселона 28 тоглолт дараалсан хожигдолгүй цувралыг тогтоосон байсан. Иймээс Ричард Мартин гэх сэтгүүлч энэ 2 багийг харьцуулж харьж, үүнийг нь бантагнаад оруулья.
Лионел Месси, Неймар, Луйс Суарэз - Барса-н довтолгооны бүтээлч гурвал.
Копа дэл Рей-н хагас шигшээд Валенси-тай 1-1 р тэнцсэнээр Барселона бүх оролцож буй тэмцээндээ 29 тоглолт дараалан ялагдал амсалгүй явж клубынхээ рекордыг шинэчиллээ. Тэд 2010 оны 9 сараас 2011 оны 1 сар хүртэл 28 тоглолт дараалан хожигдолгүй явсан Гвардиола-н Барса-н рекордыг шинэчилсэн билээ. УЕФА.ком-с энэ 2 багийн ялгаа болон адил талуудад анализ хийж үзэж.
Бие бүрэлдэхүүн
Сүүлийн 5 жилд Барселоны бүрэлдэхүүний хувьд ярьвал залгамж халаа болон хувьсалын аль аль нь байв. Лионел Месси, Андрес Иниеста, Жерард Пикье, Сержио Бүскэтс, Дани Алвэс, Хавиер Машерано нар одоо ч гарааны байрлалаа хадгалсаар байгаа боловч тэдний талбай дээрх үүрэг роль өөрчлөгдсөн байна. Месси-г аваад үзэхэд тэр нилээн хойшоо, гүнээс тоглодог болж, 2 жигүүрээ илүү их дэмждэг болсон байна.
Тэр гоал хийх өлсгөлөн чанараа аваад үлдсэн ч түүний адилаар хамтран тоглогчид болох Луйс Суарэз, Неймар нарыг бөмбөгөөр хангахдаа баяртай байгаа. Уругвай довтлогч болон Бразилийн ахлагч нар бол харьцуулалтын хамгийн том ялгаа нь бөгөөд Луйс Энрикэ-н гарааны 11-г илүү шилдэг, аймшигтай болгож байна. Харин Гвардиола-н гарааны хамгийн том мөн чанар, давуу тал нь Шави Эрнандез-р удирдуулсан хагас хамгаалалтын хэсэгтээ байсан.
Хүч
Гвардиола-н бөмбөг эзэмшилтэд шунасан арга барил 2 том нөлөөтэй байсан: Энэ бол түүний баг тоглолтуудад дээр бүрэн хяналтыг авдаг байв, мөн тэдэнд бөмбөгний араас эрчимтэй нэхэлт хийхэд хүрэлцэхүйц хүч тамирыг нь нөөцөлж өгдөг байв. Тэд мөн бөмбөгийг маш удаан эзэмшснээр эсрэг багаа залхааж чаддаг байв, мөн маш хурдан богинын дамжуулалтын комбинацуудаараа эсрэг багаа жинхэнэ ховсддог байв. Сэр Алекс Фергусоны Манчестер Юнайтед бол тэдний хамгийн том золиосуудын нэг нь билээ. Шотланд эр Шави, Иниеста нар амьдралдаа хэзээ ч хүнд бөмбөг өгч байгаагүй байх гэж хүртэл хэлж байв.
Луйс Энрикэ-н баг мөн адил техник ур чадварыг агуулдаг ч арай илүү таамаглахад бэрх, удаан бөмбөг эзэмшилт болон маш хурдтай сөрөг довтолгоо хосолсон арга барилтай. Өнгөрсөн улирал Реал Мадрид-н эсрэг Дани Алвес-н алсын пассаар Суарэз-н хийсэн хожлын гоал бол тэдний дирэкт тоглолтын хүчийг нотолсон гоал юм. Мөн өнгөрсөн долоо хоног Суарэз Валенси-г сүйрүүлээд хаялаа. Түүний эхний гоалыг аваад үзэхэд бөмбөг таслалт, сөрөг гэсэн процесс-той.
Сул тал
Гвардиола-н баг Европ-д хэдий гайхамшигтай байсан хэдий ч үе үе эсрэг баг нь хойшоо сууж хамгаалсан үед хамгаалалтыг нь нэвтлэх гэж нилээн зүдэрдэг байсан. Ийм байдал 2012 оны улирлын эцэст маш ихээр тохиолдсон, Барселона лиг-н аваргыг Реал-д алдаж, мөн Аваргуудын лиг-н хагас шигшээн хариу тоглолтонд 1 хүнээр илүү байсан ч Челси-н сөрөг довтолгоонд сөхөрч тэмцээнээс мултарч байлаа.
Харин энэ зуур Луйс Энрикэ-н баг өндөр тэмптэй нэхэлт, шахалтанд эмзэг гэдэг нь танигдаад байна. Атлетико Мадрид, Малага, Леванте зэрэг багууд 2016 онд тэднийг хүнд байдалд оруулж чадлаа, гэсэн хэдий ч Барса тоглолт бүрт ялагч болж гарч ирсэн, үүний хариуд тэдний довтолгооны өршөөлгүй гурван мангаст талархмой.