За С хэсгийг нээнэ гэж амласан ёсоороо нээж байна, эхний юм болохоор алдаа дутагдал их байгаа бол өршөөгөөрэй, цонхын лаг лаг хөлбөмбөгийн мэдлэгтэй гуру-нууд, админууд тусалж дэмжинэ гэдэг итгэж байна
1. ИСПАНИ
Дэлхийн аварга, өмнөх Евро 2008-ийн аварга Ялагдашгүй Армада буюу Испанийн шигшээ баг аварга цолоо хамгаалж тоглох нь. Дель Боскегийн залуучууд урьдчилсан шатанд 2 тоглолтын өмнө Украйн, Польш зорих билетээ захиалах эрхтэй болсон бөгөөд Чех, Шотланд, Литва, Лихенштейнтэй нэг хэсэгт орж бүх 8 тоглолтондоо хожил байгуулсан билээ.
ДАШТ - 2010 дараа Португальд 4-0 оор, Аргентинд 4-1 ээр тоосоо гөвүүлж, Коста-Рикатай тэнцэж, Англид 1-0 оор хожигдож бусдын гайхшралыг төрүүлсэн ч чухал биш нөхөрсөг тоглолтууд байсан гэдэг шалтагаар өөрсдийгөө хаацайлаад байгаа.
Боломжит гараа:
Онцлох тоглогч:
Цеск Фабригас
Урьдчилсан таамаг:
Финал. Барселонагийн тоглогчид болох Пуёол, Вилла нар гэмтлээс болж энэ удаагийн тэмцээнийг өнжих болсон нь тэдэнд хамгийн том гарз болж байна. Гэсэн ч тэд финал хүртэл одоогийн бүрэлдэхүүнээрээ хүрэх бүрэн бололцоотой. Тэдний гол өрсөлдөгчөөр 2008-ын финалд, 2010 ДАШТ-ын хагас финалд тэдэнд хожигдсон Германы шигшээг нэрлэж байна.
2. ИТАЛИ
СКАУДРА АЗУРРИ буюу Италийн шигшээ баг нь энэ жилийн ЕАШТ-д эрч хүчтэй, цус сэлбэсэн залуу бүрэлдэхүүнтэй оролцож байна. Италийн хамгаалалт үеийн үед дэлхийд гайхагддаг. Урьдчилсан шатны 10 тоглолтонд 2хон гоол алдаж нэг ч хожигдолгүй дуусгасан бөгөөд ЕАШТ-2012 ийн аваргын алтан цомын төлөө хүчтэй өрсөлдөх нь зайлшгүй. Довтолгоонд Миланы Антонио Кассано, Сити-гийн Марио Балотелли нар голлож тоглох болов уу.
Боломжит гараа:
Онцлох тоглогч:
Марио Балотелли
Урьдчилсан таамаг:
Хагас финал
3. ХОРВАТ
Хорватын шигшээ ДАШТ-1998 хүрэл медаль хүртсэн алтан үеийн амжилтаа давтаж чадах нь юу бол. Гэхдээ л 4 жилийн өмнөх Евро-д Германыг хожиж хэсгээсээ 1-р гарч шуугиан тарьж байсан ч Туркийн шигшээд пеналтиар хожигдон азгүйгээр тэмцээнээ дуусгасан. Урьдчилсан шатанд хэсэгтээ 7 хожиж, 2 хожигдон Грекийн дараа шалгарч нэмэлт тоглолтоор Туркийн шигшээг хожсоноор сүүлийн галт тэргэнд амжиж Евро2012 зорих эрхтэй болсон юм.
Боломжит гараа:
Онцлох тоглогч:
Лука Модрич, Нико Кранчар
Тоттенхэмийн 2 хагас хамгаалагч гайхалтай формтой байгаа. Тэдгээрийн төвд хэрхэн найруулан тоглохоос тоглолтын хувь заяа ихээхэн хамаарна. Кранчар урьдчилсан шатны тоглолтууд гайхалтай байж 4 гоол оруулсан. Түүний эцэг Златка Кранчар Хорватын шигшээ багийн ерөнхий дасгалжуулагчаар ажиллаж байхдаа ( 2006 оны ДАШТ) төрсөн хүүгээ шигшээ багт дуудсан хэмээн хэл аманд өртөж байсан нэгэн.
Урьдчилсан таамаг:
Хэсгээсээ гарах. Итали, Испанийн аль нэгийг хожиж эсвэл тэнцэж чадвал, Ирландыг хожиж 2-р гарах бололцоотой.
4. ИРЛАНД
Ирландын Бүгд Найрамдах Улсын хөлбөмбөгийн шигшээ баг нь өмнө нь цорын ганц удаа 1988 онд ЕАШТ-нд оролцож байв. Урьдчилсан шатанд хэсэгтээ 1хан хожигдож Оросын ард 2-р шалгарсан. Ерөнхий дасгалжуулагчаар Байерн, Интер, Ювентусыг удирдаж байсан Италийн мэргэжилтэн Трапаттони байгаа болохоор багийн хамгаалалт дээр голчлон анхаарах болов уу
Боломжит гараа:
Онцлох тоглогч:
Робби Кин. 2002 оны Дэлхийн аварга-д Робби Кин 4 тоглолтонд 3 гоол хийсэн. Хасагдах шатанд 1-0 оор хожигдож явахдаа 90 дэх минутанд Касилессийн хаалганд хийсэн пеналтийн цохилт түүнийг жинхэнэ багийн лидер, багийн ахлагч гэж хэн гэдгийг бусдад харуулсан гэдэг. Хэдийгээр түүний оргил үе дуусаж одоо Лос Анжелеас Галаксид тоглож байгаа ч гэлээ багаа манлайлан хэсгээсээ гаргах итгэл төгс байгаа, учир нь энэ Европын аварга түүний хувьд өөрийгөө хэн байсныг харуулах сүүлчийн боломж юм
Урьдчилсан таамаг:
Итали, Испанийн хүчирхэг багаас 1 тэнцээ салгаж чадвал, Хорватыг хожиж хэсгээсээ 2-р гарна гэсэн өчүүхэн найдвар байна. Тэгсэн ч хэсгээсээ гарахад хэцүү дээ хэцүү.
