Домогтоо баяртай гэж хэлэх үү?
Ерөнхийлөгчийн сонгуулийг тойрсон элдэв шуугианыг март. Эргэлзээ төрүүлэм арилжааны бодлого, инээд хүрмээр олон дасгалжуулагчыг ч бас.
Реал Мадридын өмсгөл бол үеийн үед итгэл үнэмшилтэй холбоотой, тайлбарлахын аргагүй тийм онцгой зүйл байсан. Тэр онцгой зүйлийг хэн ч Раулаас илүүгээр илэрхийлж чадахгүй...Реал Мадрид хэзээ ч бууж өгдөггүй.
Реал Мадрид хэзээ ч цөхөрдөггүй, үргэлж тэмцэж байдаг, үүнийг нь олон олон гайхамшигт тулаанд байгуулж байсан ялалтаас нь хангалттай харж болно. Урт удаан хугацааны турш энэ чанарыг байгаа гэж хэлэхэд хэцүү байлаа, гэхдээ, клубт үүнийгээ эргүүлэн олж авах, дахин тэмцэхэд нь хэрэгтэй ганц зүйл хэвээрээ байсан юм.
Ерөнхийлөгчийн сонгуулийг тойрсон элдэв шуугианыг март. Эргэлзээ төрүүлэм арилжааны бодлого, инээд хүрмээр олон дасгалжуулагчыг ч бас март.
Реал Мадридын өмсгөл бол үеийн үед итгэл үнэмшилтэй холбоотой, тайлбарлахын аргагүй тийм онцгой зүйл байсан. Тэр онцгой зүйлийг өөр хэн ч Раулаас илүүгээр илэрхийлж чадахгүй.
Хөлбөмбөг бол Раулын хувьд ялан дийлэхийн төлөөх дуудлага нь байсаар ирсэн. Jorge Valdano бол Раулд хамгийн анх итгэж, дараагийн Emilio Butragueno хэмээн олж харсан хүн. Залуухан Раулд ер бусын гоолуудыг оруулах чадвар, довтлогчийн гайхалтай сэтгэхүй байлаа. Тэр хөлбөмбөгийн 18 ярд талбайд өөрийн хамгийн гайхалтай зүйлсийг харуулж байсан юм. Тэр гарч ирсний дараа түүний цохих талбай бий болгох, хариу үйлдэл үзүүлэх гайхалтай мэдрэмж, мөн анхны хүрэлтээр алдаа мадаггүй, үр бүтээлтэй төгсгөл хийх авъяасыг нь зүйрлэх тамирчин Реал Мадридын өмнөх тамирчид дунд байгаагүй юм.
Гаргасан амжилтууд нь түүнийг Реал Мадридын түүхэн дэхь хамгийн олон гоолын эзэн болгож, Alfredo Di Stefano гэх тэм домгуудын хэмжээнд аваачсан юм. Сүүлд оруулсан гоол нь Испанийн лигийн аварга шалгаруулах тэмцээнд хийсэн 228 дахь гоол нь болж, энэхүү тэмцээний түүхэнд 3т бичигдэх боллоо.
Тэр биеийн тоглолт, хүчнийхээ хувьд хэзээ ч бусдын анхаарлыг гойд татаж байгаагүй, гэхдээ тоглолтон дээр бусад талаараа илүү хүчирхэг байж чаддаг. Түүний давуу тал бол толгойгоороо тоглох юм. Хэдийгээр 30 нас хэдийнэ гарчихсан ч гэлээ тэр хамгаалж, эсрэг талаа хэнээс ч илүүгээр прессинг хийж, бөмбөг бүрийн төлөө тэмцдэг. Хэдийгээр хурд нь буурсан ч гэлээ, талбай дээр өнгөрөөх ноогдсон цагтаа тэр өөрийн чадах бүхнээ зориулахад бэлэн байна.
Хувцас солих өрөөнд тэр үргэлж лидэр нь байдаг. Тэр тийм ч их ярьдаггүй-тэгэх шаардлага ч байхгүй. Түүнийг ярьж эхэлмэгц бүгд сонсдог. Зөвхөн өнгөрсөн түүхтэй холбоотойгоор клубт эзэлсэн байр суурийнхаа төлөө биш талбай дээр харуулдаг ёс суртахууныхаа төлөө тэр хүндлэл хүлээдэг юм.
Түүнийг дэмжигчид болон зарим хэвлэлийнхэний дунд түүний клубт үзүүлэх нөлөөнийх нь талаар маргаан гарч байдаг. Түүнээс болж Игуайн, Анелка, Овен нарын довтлогчдын боломж багасаж байсан, бас нэг талаар тэр Роналдо, Нистелрой, Мориентес нартай сайн хоршиж байсан. Энэ бол дасгалжуулагч нар Раулд итгэл хүлээлгэдэг байсан гэсэн үг. Бэлтгэл дээр хэн ч Раулаас эрт ирж, хэн ч Раулаас сүүлд явдаггүй.
Мадридад тоглож байсан зарим тоглогчид явсныхаа дараа Раулын дасгалжуулагч болон клубын удирдлагуудад үзүүлдэг онцгой эрхийг нь шүүмжилж байсан. Раулаас гарч байгаа амбиц бол түүнийг сэлгээний суудалд байхдаа жаргалтай байдаг хүн биш гэдгийг нь л хэлж байгаа хэрэг. Гэхдээ энэ байдал 2009/2010 оны улирал хүртэл үргэлжилсэн. Кака, Роналду, Бензема нар ирсэнээр тэр сэлгээний сандалд дасан зохицох хэрэгтэй болсон. Гэхдээ тэр ямар ч байсан Пеллегринигийн шийдвэрийг хүндэтгэж, дуугаа өндөрсгөн эсэргүүцэл илэрхийлээгүй.
Түүнийг 6 сард багаа солино хэмээх яриа гарч эхэлж байна. Зарагозагын эсрэг тоглож байхдаа авсан гэмтэл нь түүнийг сүүлийн тоглолтоо хийсэн ч байж магадгүй байдалд үлдээлээ. Түүний карерь цом медаль, Аваргуудын лигийн түрүүгээр арвин. Гэхдээ шигшээ багтайгаа гаргасан амжилт нь хэцүүхэн дурсамжтай. Шигшээ багтайгаа шагнал хүртэх хүсэл түүнд хэнээс ч илүү бий. Гэхдээ 2008 онд Испанийн баг Торрес, Вилла нарын шинэ хүчээр сэлбэгдэж, Раулгүйгээр шагналын тавцанд гарсан.
Өнгөрсөн бямба гариг түүний өндөр түвшний тоглолт үзүүлсэн сүүлийн тоглолт байж болох. Тэртээ 1994 онд тэр анхны тоглолтоо мөн л энэ Зарагозагын эсрэг хийж байсан. Энэ нь Раулын хувьд, агуу Ди Стефаногоос ч илүү гоол хийсэн довтлогчийн хувьд үдэлтийн тоглолт нь болсон дохио байж болох юм гэж үү?
Энэ бол байж болох хамгийн муу нөхцөл байдлыг л тооцсон байдал. Үнэндээ ямар шийдвэр гаргах нь Раулын хувьд нээлттэй. Клубын зүгээс ч мөн үүнийг нь харгалзаж байгаа гэж найдаж байна. Раул бол зүгээр нэг өөр баг руу явуулчихаар энгийн нэгэн даанч биш. Багтаа үлдэж, Уго Санчезын амжилтыг давах боломж түүнд бүрэн бий. Эндээ үргэлжлүүлэн тоглож Сантиагодоо зодог тайлвал бидний хувьд мэдээж үнэхээр сайхан байх болно. Тэр түүхийг бүтээж байна, түүх үргэлжилж байна.
Гэхдээ Раул ямар ч шийдвэр гаргалаа гэсэн бүх л фэнүүдийнхээ хувьд дэлхийн шилдэг довтлогч хэмээн үүрд дурсагдсаар байх болно. Раултай хамт Реал Мадридын нэгэн эрин өндөрлөнө. Энэ эрин дуусах хараахан болоогүй хэмээн найднам.
Posted: Fri Apr 23, 2010 4:14 pm
Тавтай морил
